တစ်ချို့က အနိုင်ယူချင်တယ် ။
သူမရှိရင် မဖြစ်မှန်းသိလို့ . . . ။
တစ်ချို့က လုပ်ချင်တာ လုပ်တယ် ။
သူဘာလုပ်လုပ် ခွင့်လွှတ်မှန်း သိလို့ . . . ။
တစ်ချို့က ဥပေက္ခာ ပြုတယ် ။
သူဂရုမစိုက်ရင် အလူးအလဲ ခံစားရမှန်းသိလို့ . . . ။
တစ်ချို့က မိုက်ရိုင်းတယ် ။
သူဘယ်လောက် ရိုင်းရိုင်း သည်းခံမှန်းသိလို့ . . . ။
တစ်ချို့က တန်ဖိုးမထားဘူး ။
ဘယ်အချိန် လိုအပ် လိုအပ် ခေါ်လိုက်တာနဲ့
အနားကို ရောက်လာတတ်မှန်း သိလို့ . . . ။
ကိုယ်ဘာလုပ်လုပ် ခေါင်းငုံ့ပေးနေတဲ့ လူတွေ
ခံနိုင်ရည် ကုန်သွားတဲ့ အချိန်
ကိုယ့်အနားက ထွက်သွားရင်ရော
တစ်ယောက်တည်း နေတတ်ပြီလား ။
ဆုံးရှုံးပြီးရင် ပြန်မရတဲ့ အရာတွေထဲမှာ
လူတစ်ယောက်ရဲ့ သည်းခံနိုင်စွမ်းတွေလည်း
ပါတယ်ဆိုတာ မမေ့ပါနဲ့
No comments:
Post a Comment